საქართველოში გაეროს წარმომადგენლობის ხელმძღვანელი ნილს სკოტი აზერბაიჯანელი ჟურნალისტის საქმეზე განცხადებას აკეთებს.
ნილს სკოტის შეფასებით, მომხდარი სამწუხაროა და მსგავსი ფაქტი არ უნდა განმეორდეს. „ჟურნალისტი საკუთარი ნების საწინააღმდეგოდ აღმოჩნდა საზღვრის მეორე მხარეს, ბუნებრივია, სამწუხაროა რაც მოხდა და მხარეებმა ყველაფერი უნდა გააკეთეონ, რომ მსგავსი ფაქტი აღარ განმეორდეს და გამოძიება სამართლიანად წარიმართოს“,- განაცხადა ნილს სკოტმა.
აფგან მუხტარლი თბილისიდან 29 მაისს გაუჩინარდა. ის აზერბაიჯანში დააკავეს. მას ბაქოს საქალაქო სასამართლომ წინასწარი სამთვიანი პატიმრობა მიუსაჯა, რაც მოგვიანებით სააპელაციო სასამართლომაც ძალაში დატოვა.
აზერბაიჯანის პროკურატურამ მას ბრალი კონტრაბანდის, სახელმწიფო საზღვრის უკანონო გადაკვეთის და პოლიციისთვის დაუმორჩილებლობის მუხლებით წარუდგინა. საქართველოში, კი შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.