„ბირჟა მაფიის“ წევრმა, გიორგი ქებურიამ გირაოთი გათავისუფლების შემდეგ საზოგადოებას მადლობა გადაუხადა და განაცახდა, რომ ბრალი სამართალდამცავების მხრიდან ზეწოლის გამო აღაირა.
მისივე მტკიცებით ის და მიხეილ მგალობლიშვილი კლიპის გამო იყვნენ დაკავებული.
„როგორც ყველასთვის ცნობილია, 7ივნისს აგვიყვანეს, არანაირი ნარკოტიკული საშუალება ჩვენ არ გვქონია. დაკავების დროს საუბარი იყო კლიპზე და იმაზე, რომ უნდა დავსჯილიყავით. დაკავებული ვიყავით კლიპის გამო. არანაირი ნარკოტიკული საშუალება ჩვენ არ გვქონია. იყო კლიპზე საუბარი დაკავების დროს. კლიპმა გამოიწვია გაღიზიანება. პირადია ჩემთვის ნარკოტიკი არ ჩაუდიათ, თვალითაც არ მინახავს, უბრალოდ გაფორმდა. ბრალი ვაღიარე, რადგან ჩემზე იყო ზეწოლა სამართალდამცველების მხრიდან“, - განაცხადა გიორგი ქებურიამ.
შეგახსენებთ, რომ ჯგუფ "ბირჟა მაფიის" წევრი გიორგი ქებურია სასამრთლოდან 20 000 ლარიანი, მიხეილ მგალობლიშვილი კი 50 000 ლარიანი გირაოს სანაცვლოდ ცოტა ხნის წინ გაათავისუფლა.
