სირცხვილი მათ, ვინც სცადა ამ ამბის პოლიტიკური მიზნებისთვის გამოყენება, - ამის შესახებ "ბირჟა მაფიის“ წევრმა მიხეილ მგალობლიშვილმა გირაოთი გათავისუფლების შემდეგ განაცხადა. სასამართლო დარბაზიდან გამოსვლის შემდეგ მან ჯერ გარეპა, შემდეგ კი, ოჯახის წევრებსა და მეგობრებს გვერდით დგომისთვის მადლობა გადაუხადა.
"მადლობა ჩემი ოჯახის წევრებს, ჩვენს მეგობრებს, ჩემ ფანებს, კოლეგებს, ვინც გვერდით მედგა. სირცხვილი მათ, ვინც სცადა თავისი პოლიტიკური მიზნებისთვის ამ ამბის გამოყენება, ეს არის ჩვენი ყველას მოქალაქეობრივი და მორალური ვალდებულება, ვებრძოლოთ ასეთ უსამართლობას", - განაცხადა მგალობლიშვილმა.
მგალობლიშვილი პატიმრობიდან რამდენიმე წუთის წინ გათავისუფლდა. სააპელაციო სასამართლო „ბირჟა მაფიას“ მეორე წევრის, გიორგი ქებურიას საქმეზე მსჯელობს.