,,უსაფრთხოების სამსახურმა და სამართალდამცავებმა იმ სამარცხვინო ნაბიჯით, რომელიც გადადგეს მუხრთალისთან მიმართებაში უდიდესი ზიანი მიაყენეს ქვეყნის საერთაშორისო რეპუტაციას’’, - აცხადებს ,,ევროპული საქართველოს“ წევრი სერგი კაპანაძე.
,,ძალიან ცუდად წარმოაჩინეს ქვეყნის შიდადემოკრატია და ზოგადად ადამიანის უფლებების დაცვის საკითხი. ამის ერთ-ერთი გამოხმაურებაა სწორედ ის, რომ ეს თემა იქნება საერთაშორისო ასპარეზზე გატანილი და ამ საქმეს მიუძღვნიან რეზოლუციებს. ამ ყველაფრით ჩვენს მეზობელ აზერბაიჯანსაც საკმაოდ ცუდი საქმე გაუწიეს,’’ - განაცხადა სერგი კაპანაძემ.
ევროოპარლამენტი აზერბაიჯანში არსებულ ადამიანის უფლებათა მდგომარეობაზე რეზოლუციის მიღებას გეგმავს, მათ შორის სავარაუდოდ, აფგან მუხტარლის საქმეც იქნება.
