„აფგან მუხტარლისთან დაკავშირებით ძალიან არასასიამოვნო ფაქტი მოხდა და ეს ქვეყნის იმიჯისთვის სასიამოვნო არ არის”, - ამის შესახებ საქართველოს პარლამენტის ევროინტეგრაციის კომიტეტის თავმჯდომარის პირველმა მოადგილემ, ირინა ფრუიძემ ჟურნალისტებს განუცხადა.
მისივე განმარტებით, ევროოპარლამენტი აზერბაიჯანში არსებულ ადამიანის უფლებათა მდგომარეობაზე რეზოლუციის მიღებას გეგმავს, მათ შორის სავარაუდოდ, აფგან მუხტარლის საქმეც იქნება.
"იმედი მაქვს, რომ მსგავსი რამ არასოდეს განმეორდება. ვიცით, რომ დაწყებულია გამოძიება და იმედია, ამ საქმეს უახლოეს მომავალში ნათელი მოეფინება. ევროპარლამენტი რეზოლუციის მიღებას აპირებს და როგორც ვიცი, ეს რეზოლუცია ძირითადად შეეხება აზერბაიჯანში ადამიანის უფლებათა მდგომარეობას. კერძოდ, სიტყვის თავისუფლებას. სავარაუდოდ, რეზოლუცია მუხტარლის საქმესაც შეეხება, მაგრამ იქ ასევე საუბარი იქნება აზერბაიჯანში ადამიანის უფლებების მდგომარეობაზე", - განაცხადა ფრუიძემ.