ნაციონალური მოძრაობის წევრი რომან გოცირიძე ვიცე-პრემიერ კახა კალაძის მიერ გავრცელებულ ვიდეომიმართვას ეხმიანება, რომელიც დაკავებულ რეპერებს შეეხებათ. გოცირიძე აცხადებს, რომ კალაძემ ”ჩაუდო” ნარკოტიკი ფეხბურთის ფედერაციის წევრს, კენჭისყრაზე რომ არ მისულიყო.
,,ილუზიებში ნუ გადავვარდებით.
არაა პრობლემის სათავე მართლაც რომ ცუდ ნარკოპოლიტიკაში. პრობლემა სასამართლო სისტემის დეგრადაციაშია, პრობლემა ხელისუფლების თავგასულობაშია, პრობლემა შევარდნაძისდროინდელი მენტალიტეტის რესტავრაციაშია.
დღეს უდებენ ნარკოტიკს? ხვალ ჩაუდებენ ციანიდს, პისტოლეტს, ვაზნებს, ყალბ ფულს. არაფერსაც ჩაუდებენ, ათასი ხერხია დაკავების.
ისე, კალაძემ ”ჩაუდო” ნარკოტიკი ფეხბურთის ფედერაციის წევრს, კენჭისყრაზე რომ არ მისულიყო. ნურც მის გუშინდელ განცხადებაზე გამოვხატავთ ხბოს აღტკინებას.
25 წლის შემდეგ პირველად გამოვიდა ახალგაზრდები ქუჩაში. ისეთი ადამიანები, რომლებსაც ვერც მრევლს უწოდებ და ვერც პარტიულ აქტივს. იმედია, ეს არ იქნება გაზაფხულის პირველი გაელვება და ხელისუფლებას გამოუჩნდება ისეთი ოპონენტი, რომლის მთავარი მოთხოვნა იქნება თავისუფლება”, - აცხადებს რომან გოცირიძე.
კახა კალაძე ნარკოტიკული საშუალების შეძენა-შენახვის ბრალდებით დაკავებული მუსიკოსების საქმესთან დაკავშირებით, ვიდეომიმართვას ავრცელებს, სადაც ნარკოპოლიტიკის ლიბერალიზაციაზე საუბრობს.
მიდის შიდა მოკვლევა. სტრუქტურის ხელმძღვანელობა ყველაფერს გააკეთებს, რომ თუკი ვინმე არის დამნაშავე, ან ვინმეს აქვს გადაცდომა ჩადენილი ამ კონკრეტულ ეპიზოდში ყველა ადეკვატურად დაისაჯოს“, - აღნიშნავს კალაძე.
