ვეჭვობ, რომ დემოკრატიის უპრეცედენტოდ მაღალმა ხარისხმა გარკვეული მოხელეები დააბნია, - ასე გამოეხმაურა "ქართული ოცნების" წევრი, მამუკა მდინარაძე საკონსტიტუციო ცვლილებებთან დაკავშირებით ეროვნული უშიშროების საბჭოს მდივნის, დავით რაქვიაშვილის მიერ დღეს გაკეთებულ განცხადებებს.
”ბატონ რაქვიაშვილს შევახსენებდი თავის სტატუსს. ის გახლავთ უშიშროების საბჭოს მდივანი და ამ სტილში ესაუბრება ვის?! მოცემულ შემთხვევაში ამავე საბჭოს წევრს, პარლამენტის თავმჯდომარეს. ეს იგივეა, ჩვენი ფრაქციის აპარატის უფროსმა მენტორული ტონით და კომუნიკეებით რომ დაიწყოს ჩემთან და ჩვენი ფრაქციის წევრებთან ლაპარაკი. ვეჭვობ, რომ დემოკრატიის უპრეცედენტოდ მაღალმა ხარისხმა გარკვეული მოხელეები დააბნია”, - განაცხადა მამუკა მდინარაძემ.
