"ქართული ოცნების" მერობის კანდიდატის წარდგენა პარტიის პოლიტსაბჭოს გადაწყვეტილების შემდეგ მოხდება, -ამის შესახებ საქართველოს პარლამენტის თავმჯდომარემ განაცხადა. ირაკლი კობახიძის თქმით, პარტიას კანდიდატის დასახელების თავისი პროცედურები აქვს, რომელიც მმართველ გუნდს არ გაუვლია.
"კანდიდატების დასახელებასთან დაკავშირებით გადაწყვეტილებას პოლიტსაბჭო იღებს. მას შემდეგ, რაც "ქართული ოცნების" პოლიტიკური საბჭოს შეხვედრა შედგება, გადაწყვეტილება მიიღება და შეგვეძლება, კანდიდატის წარდგენასთან დაკავშირებით ვისაუბროთ. შემიძლია, დავადასტურო, რომ ამ საკითხთან დაკავშირებით გუშინ იყო საუბარი და პოლიტსაბჭოს სხდომას უნდა დაველოდოთ, სადაც გადაწყვეტილება მიიღება და ეს უახლოეს მომავალში მოხდება", - განაცხადა კობახიძემ.
გავრცელებული ინფორმაციით, "ქართული ოცნების" თბილისის მერობის კანდიდატი ენერგეტიკის მოქმედი მინისტრი კახი კალაძე იქნება. "ქართული ოცნების" კანდიდატს საზოგადოებას პრემიერ-მინისტრი გიორგი კვირიკაშვილი წარუდგენს.