არა მგონია, ბადაშვილის მიერ თანამდებობის დატოვება თორდიას საქმესთან იყოს კავშირში, - ამის შესახებ საქართველოს განათლებისა და მეცნიერეის მინისტრმა, ვიცეპრემიერმა ალექსანდრე ჯეჯელავამ გიორგი ბადაშვილის მიერ ფინანსური პოლიციის ხელმძღვანელის პოსტიდან წასვლაზე საუბრისას განაცხადა. ამასთან, ჯეჯელავა არ ფლობს ინფორმაციას, ვინ შეცვლის ბადაშვილს ამ თანამდებობაზე.
„არა მგონია, გიორგი ბადაშვილის მიერ ფინანსური პოლიციის ხელმძღვანელის თანამდებობის დატოვება გენერალურ აუდიტორთან დაკავშირებულ ინციდენტთან იყოს კავშირში. ეს კავშირშია ფინანსური პოლიციის პირდაპირი ამოცანებისა და მიზნების შესრულება-არ შესრულებასთან,“-განაცხადა განათლების მინისტრმა.
ფინანსთა სამინისტროს საგამოძიებო სამსახურის რამდენიმე მაღალჩინოსანმა, მათ შორის სამსახურის უფროსმა, ყოფილმა მთავარმა პროკურორმა გიორგი ბადაშვილმა თანამდებობა გუშინ დატოვა.
