3 ივნისს, 10:00 საათზე, სასტუმრო ,,რედისონში" აშშ-ს ელჩი საქართველოში იან კელი გახსნის „ამერიკის მთავრობის პროგრამების კურსდამთავრებულთა ასოციაციის ევროპული ქსელის“ (ENAM) მე-10 ყოველწლიურ საერთაშორისო კონფერენციას თემაზე: ,,ევროპა ახალი გამოწვევების წინაშე“ (Brave New Europe).
საერთაშორისო კონფერენცია ორგანიზებულია „აშშ მთავრობის გაცვლითი პროგრამების ქართველ მონაწილეთა ასოციაციის“ (EPAG) მიერ, ამერიკის საელჩოს მხარდაჭერით და მასში 11 ქვეყნის წარმომადგენელი მიიღებს მონაწილეობას. კონფერენციაზე გაიმართება პანელური დისკუსიები ისეთ აქტუალურ თემებზე, როგორებიცაა: მიგრაცია, უსაფრთხოება და ადამიანის უფლებები, პროპაგანდის როლი, და სხვა. კონფერენციაზე მოხსენებით გამოვლენ საქართველოს მთავრობის, პარლამენტისა და საერთაშორისო/ადგილობრივი ორგანიზაციების წარმომადგენლები.
„აშშ მთავრობის გაცვლითი პროგრამების საქართველოს მონაწილეთა ასოციაცია“ 2014 წელს დაარსდა და ამჟამად 17 გაცლითი პროგრამის 700-მდე მონაწილეს აერთიანებს.
