ევროპული საქართველო-მოძრაობა თავისუფლებისთვის წევრი სერგი კაპანაძე მმართველ გუნდს პლაგიატში ადანაშაულებს.
,,რამდენიმე კვირის წინ, ევროპულმა საქართველომ დააყენა პარლამენტში რეზოლუცია, რომელიც ეხებოდა რუსეთის მიერ გადადგმულ აგრესიულ ნაბიჯებს. ჩვენი რეზოლუცია ჩააგდო უმრავლესობამ ყველა კომიტეტზე, სადაც მოხვდა. ახლა მათ წამოაყენეს საკუთარი რეზოლუციის პროექტი. ერთი თვალის გადავლებით ძალიან ჰგავს ჩვენს პროექტს და ძალიან ბევრი იდეა, პათოსი, წინადადებები და აბზაცებიც კი აღებულია ჩვენი რეზოლუციიდან. ჩვენ შევისწავლეთ დეტალურად რა არის განსხვავებები ამ ორ დოკუმნტს შორის და მოსაზრებებს წარვადგენთ. მიგვაჩნია, რომ საქართველოს პარლამენტი არის ვალდებული მიიღოს რეზოლუცია, რითაც დაგმობს რუსეთის ქმედებებს ოკუპირებულ ტერიტორიებზე. მიმაჩნია, რომ იყო არასწორი ნაბიჯი უმრავლესობის მხრიდან, როდესაც მათ დაბლოკეს ჩვენი ინიცირებული რეზოლუცია მარტო იმიტომ, რომ ის წამოვიდა ოპოზიციის მხრიდან. ეს იყო უპასუხისმგებლო ნაბიჯი,’’ - განაცხადა სერგი კაპანაძემ.