ნატო-ს გენერალური მდივნის მოადგილე როუზ გოტემოლერი აცხადებს, რომ ალიანსს არ სურს, რუსეთთან კონფლიქტის პროვოცირება მოახდინოს, არამედ შემოაბრუნოს ეს ქვეყანა მშვიდობისაკენ. - ამის შესახებ გოტემოლერმა ნატოს საპარლამენტო ასამბლეის საგაზაფხულო სესიაზე სიტყვით გამოსვლისას განაცხადა.
„ჩვენი ვალია, რომ უსაფრთხოების დაფუძნებისთვის გამუდმებით ვიბრძოლოთ. ეს ტრანსატლანტიკური კავშირის ამოცანაა. მინდა, პაოლო ალის ნათქვამი გავიმეორო და გავაგრძელო, რომ მთელს ამ მოვლენებში, საქართველოს როლი ძალიან და უაღრესად მნიშვნელოვანია. არასტაბილურობა სამხრეთ ნაწილში ჩვენი პლანეტისა, მასობრივი განადგურების იარაღის გავრცელება, რომელშიც რუსეთი მონაწილეობს. ჩვენ რუსეთთან მოპყრობის გარკვეულ მეთოდებსა და მიდგომებს ვეძებთ, რათა რეალურად, შინაარსის მქონე დიალოგი გავმართოთ ამ ქვეყანასთან და შესაბამისი შეხვედრები გვაქვს.
რა თქმა უნდა, ალიანსს არ სურს, რომ რუსეთთან კონფლიქტის პროვოცირება მოახდინოს, არამედ შემოაბრუნოს ეს ქვეყანა მშვიდობისაკენ და ფაქტობრივად, რათა ჩვენს თაობებს აღარ დავუტოვოთ ესოდენ რთული პოლიტიკური სიტუაცია“, - განაცხადა გოტემოლერმა.
მისივე თქმით, პროგრესის მისაღწევად, სამხედრო ბიუჯეტები უნდა გაიზარდოს.
ჩვენ ინვესტიციებს თავდაცვის დარგში ვზრდით, რაც ალიანსის წევრებს სჭირდებათ, გაცილებით ეფექტურად იბრძოლონ უშიშროებისთვის, უსაფრთხო გარემოს შექმნისთვის. 2014 წლამდე სამხედრო ბიუჯეტების შემცირება იყო, მაგრამ მას შემდეგ დავრწმუნდით, რომ ჩვენი ქმედებებისთვის ბიუჯეტი უნდა გავზარდოთ, რაც ესოდენ მნიშვნელოვანია პროგრესის მისაღწევად.
2014 წლის შემდეგ, ლიდერები შეთანხმდნენ გასულ კვირას, რომ ეროვნული მოქმედების გეგმები დასახონ ამ მიმართულებით. ალი სწორედ მხარს უჭერს იდეას, რომ რაც შეიძლება, თუნდაც ნაღდი ფულის შემოდინებით ნატოს უკეთესი კონსოლიდაცია მოვახდინოთ, რადგან თავდაცვისა და უსაფრთხოების დამყარება ამგვარი ფინანსური გეგმების გაფართოებას საჭიროებს. თებერვალში ამაზე მსჯელობა გვექნება ჩვენი მზიანია, ამ გეგმებზე დისკუსიები დავიწყოთ“, - განაცხადა გოტემოლერმა.
