"ვინ ვის გვერდში დადგება, ამას ადგენს ადგილობრივი პროტოკოლი",- განაცხადა ევროინტეგრაციის საკითხებში სახელმწიფო მინისტრმა ვიცე-პრემიერ ქუმსიშვილის ფოტოსთან დაკავშირებით.
მისი თქმით, ეს უბრალო პროტოლური ფოტოა და ტელევიზიებმა ამისგან იაფფასიანი აჟიტირება არ უნდა შექმნან.
„მე ვურჩევდი "რუსთავი 2"-ს და მის ხელმძღვანელობას და სხვა დანარჩენ ტელევიზიებს თუკი ძალიან დაინტერესებულები არიან ამ თემით, იაფფასიან აჟიტირებას ნუ შექმნიან ამით, იმიტომ რომ არის საერთაშორისო ორგანიზაციები, არის საერთაშორისო ფორმატები, სადაც იღებენ ფოტოებს და ვინ ვის გვერდში დადგება, ამას ადგენს ადგილობრივი პროტოკოლი.
"ამიტომ არავითარი საერთო დიმიტრი ქუმსიშვილსა და დიმიტრი მედვედევს შორის ბუნებრივია არც შეიძლება იყოს და კიდევ ერთხელ ვიმეორებ, ამგვარი არასახელმწიფოებრივი, იაფფასიანი ტირაჟირება ამ თემის არ არის კარგი,“-განაცხადა ვიქტორ დოლიძემ.
