ვენეციის კომისიასთან შესახვედრად ქართული დელეგაცია ბერლინში გაემგზავრა. პარლამენტის წევრები, ექსპერტები, პრეზიდენტის ადმინისტრაცია და არასამთავრობო ორგანიზაციები კომისიის წევრებს შეხვდებიან და საკუთარ მოსაზრებებს გააცნობენ.
ოპოზიციას სურს ყურადღება გაამახვილოს შეუთანხმებელ საკითხებზე. მანდატების განაწილება, პარლამენტისა და პრეზიდენტის არჩევის წესი, ეს ის თემებია, რომელზეც ოპოზიცია კომისიისგან მხარდაჭერას ელოდება. უმრავლესობის თქმით, ისინი არ ელოდებიან კომისიისგან მკაცრ შენიშვნებს, თუმცა რეკომენდაციებს გაითვალისწინებენ.
