სახალხო დამცველის რეკომენდაციების იგნორირებას არ ვაპირებთ, - ამის შესახებ საპარლამენტო უმრავლესობის წევრმა, არჩილ თალაკვაძე პარლამენტში ომბუდსმენის ანგარიშის მოსმენის შემდეგ განაცხადა.
თალაკვაძემ წინა ხელისუფლების წევრებს შეახსენა, რომ ისინი სახალხო დამცველს ღამღამობით უსმენდნენ, როცა ხალხი არ იყო. შემდეგ ცნობად იღებდნენ ანგარიშებს და თაროებზე აწყობდნენ. მისივე თქმით, მოვიდა დრო, როცა ეს ანგარიშები თაროებიდან ჩამოიღეს.
"მთელი დღეა რეპლიკებს ვისმენ ომბუდსმენის ანგარიშთან დაკავშირებით. მგონი გიორგი კანდელაკს დაავიწყდა, რომ ჩვენი ხელისუფლების პირობებში გახდა შესაძლებელი, რომ პარლამენტს სახალხო დამცველის ანგარიშები მოესმინა და განეხილა. თქვენ სახალხო დამცველს ღამღამობით უსმენდით, როცა ხალხი არ იყო. შემდეგ ცნობად იღებდით ანგარიშებს და თაროებზე ასაწყობებდით. მოვიდა დრო, როცა ეს ანგარიშები თაროებიდან ჩამოიღეს.
ქალბატონმა ელენემ იმ პრობლემების შესახებ ბრძანა, რაც ანგარიშებში იყო და უნდა გაგეთვალისწინებინათ. გაკვეთილები ძალიან მნიშვნელოვანია და ვინც გაკვეთილებს ითვალისწინებს, წინ მიდის და ბევრად უფრო მალე ვითარდება. სახალხო დამცველის რეკომენდაციების იგნორირებას არ ვაპირებთ. სახალხო დამცველი ჩვენი პარლამენტის კონტროლის მექანიზმია და ეს ჩვენ ძალიან კარგად გვესმის“, - აღნიშნა თალაკვაძემ.
