სოფლის მეურნეობას სჭირდება დრამატული რეფორმები, მიწის ბაზარი, - ამის შესახებ საქართველოს პრეზიდენტმა გიორგი მარგველაშვილმა სტუდენტებთან შეხვედრაზე განაცხადა.
როგორც გიორგი მარგველაშვილმა აღნიშნა, ქართული სოფელი არის კატასტროფულ მდგომარეობაში, ყველა ხელისუფლება ცოტ-ცოტა არიგებდა მიწას.
"საქართველოს პოლიტიკოსების ნაწილისგან განსხვავებით, მე ვცხოვრობ ქალაქის განაპირას, ვეწევი სოფლის ცხოვრებას და ვიცი, რაზე მაქვს საუბარი. ვერასდროს, სულ რომ მიჩურინი იყოს ოჯახში, იმ მიწებით, რაც აქვთ ვერ განავითარებენ სოფლის მეურნეობას. ამ ყველაფერს გეუბნებით იმ რეალობიდან, რაც არსებობს და არა იყიდება საქართველოს ლექსებით. არ ვიცი, რა უნდა ჩაიწეროს მიწასთან დაკავშირებით კონსტიტუციაში, როგორ ვაპირებთ იმის განსაზღვრას, ვინ უცხოელია და ვინ არა, მაგრამ ვფიქრობ, რომ რეალურად არსებული პრობლემების გადასაჭრელად აუცილებელია მიწის ბაზრის შექმნა. სოფლის მეურნეობას სჭირდება დრამატული რეფორმები, მიწის ბაზარი, შიექმნება მიწის მეურნეობები და ჩვენ ბაზარში ვიყიდით არა პლასტმასის პომიდორს, არამედ რეალურს", - განაცხადა გიორგი მარგველაშვილმა.
