ეკონომიკის სამინისტროს საგარეო ვაჭრობის დეპარტამენტის უფროსი მარიამ გაბუნია აცხადებს, რომ ქართულმა მხარემ და ინდოეთმა ხელი მოაწერეს დოკუმენტს. შეთანხმების თანახმად, მომზადდება კვლევა, თუ რამდენად მიზანშეწონილი იქნება ორ ქვეყანას შორის თავისუფალი ვაჭრობის ხელშეკრულების გაფორმება. გაბუნიას თქმით, კვლევა რამოდენიმე თვეში დასრულდება.
"ინდოეთი, როგორც ჩინეთი დიდი შესაძლებლობების ქვეყანაა და ჩვენთვის ძალიან მნიშვნელოვანია, რომ ქართველი მეწარმეები თავისუფალი ვაჭრობის რეჟიმში შევიდნენ ინდოეთის ბაზარზე და ინდურ მხარეს ჩვენი პროდუქცია გააცნონ. მაღალი მოთხოვნილებაა სასოფლო-სამეურნეო პროდუქციაზე და ჩვენ შესაძლებლობა გვექნება აქედან მივაწოდოთ ეს პროდუქტი თავისუფალი ვაჭრობის რეჟიმით", - აცახდებს მარიამ გაბუნია.
შეგახსენებთ, რომ საქართველომ 13 მაისს ჩინეთთან გააფორმა თავისუფალი ვაჭრობის შეთანხმება, რაც 1.5 მილიარდიან ბაზარზე თავისუფალ წვდომას გულისხმობს.
