ღრმად ვარ დარწმუნებული და აბსოლუტურად ვიცი, რომ მერიაში კორუფციულ გარიგებას ადგილი არ ჰქონია, - ასე გამოეხმაურა თბილისის მერი დავით ნარმანია აუდიტის სამსახურის ხელმძღვანელის ლაშა თორდიას განცხადებას, სადაც ის საუბრობს ყოფილ გენერალურ პროკურორ ოთარ ფარცხალაძესა და თბილისის მერიას შორის სავარაუდო კორუფციულ გარიგებაზე.
როგორც თბილისის მერმა აღნიშნა, გადაწყვეტილება კანონმდებლობის სრული დაცვით იქნა მიღებული.
„ჩვენ ველოდებით აუდიტის დასკვნას, რომლის შემდეგაც ჩვენი მხრიდან გაკეთდება კომენტარები და დავაფიქსირებთ პოზიციას. ღრმად ვარ დარწმუნებული და აბსოლუტურად ვიცი, რომ კორუფციულ გარიგებას ადგილი არ ჰქონია. ეს გადაწყვეტილება კანონმდებლობისა და წესების სრული დაცვით იქნა ეს მიღებული.
გადაწყვეტილება ჩვენ მივიღეთ და რაიმე მნიშვნელოვან საფრთხისშემცველს ამაში ვერ ვხედავ, თუმცა ველოდებით აუდიტის დასკვნას“, - განაცხადა დავით ნარმანიამ.
