„შინაგან საქმეთა სამინისტროში 40 ათასი ადამიანი მუშაობს და შეიძლება, ვინმე პირადი ურთიერთობების გამო იმყოფებოდა ფარცხალაძესთან სახლში“,- განაცხადა შინაგან საქმეთა მინისტრის მოადგილე შალვა ხუციშვილმა. იგი გამოეხმაურა გავრცელებულ ინფორმაციას, რომ წუხელ ყოფილ მთავარ პროკურორ ოთარ ფარცხალაძესთან სამინისტროს თანამშრომლები იყვნენ სტუმრად.
„რამდენადაც ჩემთვის ცნობილია, ეს საგამოძიებო მოქმედებებთან დაკავშირებული არ არის. ეს გამომძიებლების კომპეტენციაა და მათ უნდა ჰკითხოთ. თქვენ იმ ადამიანების კომენტარები ნახეთ, რომლებიც უშუალოდ საგამოძიებო მოქმედებებს ახორციელებენ. მე მეტი რა კომენტარი უნდა გავაკეთო? ჩემი მხრიდან არაკომპეტენტური იქნება რაიმე დამატებით ვისაუბრო. როგორც მინისტრის მოადგილე, ამ საკითხზე კომენტარს ვერ გავაკეთებ. რასაც გამომძიებლები გვეუბნებიან, იმას მოუსმინეთ“,- განაცხადა შალვა ხუციშვილმა.
შეგახსენებთ, რომ სახელმიწფო აუდიტის სამსახურის ხელმძღვანელ ლაშა თორდიას 12 მაისს თავს დაესხნენ და ფიზიკურად გაუსწორდენენ. იგი მომხდარში ყოფილ მთავარ პროკურორს, ოთარ ფარცხალაძეს ადანაშაულებს.
