„საქართველოს მოსახლეობა საჭიროებს უსაფრთხოების შეგრძნებას“-განაცხადა სლოვაკეთის პრეზიდენტმა ანდრეი კანსკიმ პრეზიდენტ მარგველაშვილთან ერთად გამართულ პრესკონფერენციაზე.
„ნატოს“ წევრი სკოვაკეთის პრეზიდენტი იმედოვნებს, რომ საქართველოც მალე შეძლებს ორგანიზაციაში გაწევრიანებას და უსაფრთხოების უზრუნველყოფას.
„ნატოს მომავალი სამიტი იქნება პირველი სამიტი, რომელშიც ამერიკის შეერთებული შტატების ახალი პრეზიდენტი დონალდ ტრამპი მიიღებს მონაწილეობას და მე მოუთმენლად ველი იმ შეტყობინებებს, მესიჯებს, რომლებსაც გაახმოვანებს ამერიკის პრეზიდენტი.
ძალიან დიდი სიამოვნებით მოვისმინე ის ინფორმაცია, რომ შეერთებული შტატები გვერდით უდგას საქართველოს და ის მთლიანად გმობს, კვლავ და კვლავ, რუსეთის მიერ საქართველოს ტერიტორიის ნაწილის ოკუპაციას. საქართველოს მოსახლეობა საჭიროებს უსაფრთხოების შეგრძნებას. ყველაზე ცუდია, როდესაც ადამიანი უსაფრთხოდ არ გრძნობს თავს; ამიტომ, ჩვენ ველით ნატო-ს სამიტისაგან ნათელ სიგნალს, გარდა იმისა, რომ ჩვენ შიდა საკითხებზე ვსაუბრობთ და ჩვენს აზრს გამოვთქვამთ, ველით ნატო-საგან სრულიად მკაფიო სიგნალს, რომ ამ ქვეყნების მოსახლეობა ძალიან დიდ მხარდაჭერას საჭიროებს.“ განაცხადა ანდრეი კისკამ.
