რუსთავში მიმდინარე საკონსტიტუციო პროექტის განხილვა დასრულებულია. შეხვედრა ხმაურისა და დაპირისპირების ფონზე წარიმართა და კვლავ შეთანხმების გარეშე დასრულდა.
„ფონდ ევროპული ინიციატივა - ლიბერალური აკადემია თბილისის“ დამფუძნებელმა ლაშა ტუღუშმა კი პარლამენტის სპიკერს მიმართა, რომ ძირეულ საკითხებზე შეთანხმება ვერ მოხდა, ამიტომაც ბოლო იმედი ვენეციის კომისაა.
„სამწუხაროდ, ძალიან პრინციპულ საკითხებთან დაკავშირებით ჩვენ კვლავ გვაქვს განსხვავებული მოსაზრებები. ეს ეხება პარლამენტის არჩევის სისტემას, ასევე, პრეზიდენტის არჩევის სისტემას. რეალისტები რომ ვიყოთ, ალბათ ბოლო იმედი არის ვენეციის კომისია. იმედი გვაქვს, რომ ვენეციის კომისია იმ უსამართლო სისტემასთან დაკავშირებით თავის მოსაზრებას გამოთქვამს და ჩვენ ვერ მივიღებთ ისეთ ცუდ სისტემას, როგორიც დღეს არის წარმოდგენილი,“ - განაცხადა ლაშა ტუღუშმა.
