ქართული მხარე კვლავაც გეგმავს ამგვარი მონაწილეობის გაგრძელებას და იმედს გამოვთქვამთ, რომ ხელოვნურად არ შეფერხდება თავისი შინაარსით და მნიშვნელობით ამ ერთადერთი ფორმატის მუშაობა, - ამის შესახებ საქართველოს შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა განაცხადა.
როგორც მინისტრმა აღნიშნა, ქართული დელეგაცია ჟენევის დისკუსიებზე საქმიანად და კონსტრუქციულად არის ჩართული, განსაკუთრებით მოსახლეობისთვის მნიშვნელოვანი ჰუმანიტარული საკითხების გადასაჭრელად მუშაობაში, რაც ხშირ შემთხვევაში შესაძლებელია საკითხის პოლიტიზირების გარეშე.
"ჟენევის საერთაშორისო დისკუსიები შექმნილია რუსეთ-საქართველოს 2008 წლის ომის შემდგომ ცეცხლის შეწყვეტის შეთანხმების საფუძველზე და დღის წესრიგში უმნიშვნელოვანესი უსაფრთხოებისა და ჰუმანიტარული საკითხები აქვს. ქართული დელეგაცია ჟენევის დისკუსიებზე საქმიანად და კონსტრუქციულად არის ჩართული, განსაკუთრებით მოსახლეობისთვის მნიშვნელოვანი ჰუმანიტარული საკითხების გადასაჭრელად მუშაობაში, რაც ხშირ შემთხვევაში შესაძლებელია საკითხის პოლიტიზირების გარეშე. ქართული მხარე კვლავაც გეგმავს ამგვარი მონაწილეობის გაგრძელებას და იმედს გამოვთქვამთ, რომ ხელოვნურად არ შეფერხდება თავისი შინაარსით და მნიშვნელობით ამ ერთადერთი ფორმატის მუშაობა", - განაცხადა ქეთევან ციხელაშვილმა.
ცნობისთვის, რუსეთის საგარეო საქმეთა სამინისტროს ინფორმაციისა და ბეჭდვითი სიტყვის კომიტეტმა ევროპის საბჭოს მინისტრთა კომიტეტის მიერ საქართველოს შესახებ მიღებულ გადაწყვეტილებაზე კომენტარი გააკეთა და აღნიშნა, რომ ამ გადაწყვეტილების გამო, არსებულ ფორმატში ჟენევის მოლაპარაკებების გაგრძელების თაობაზე სერიოზული დაფიქრება მოუწევთ.
