„ზუსტად ვიცით საით მივექანებით“,-განაცხადა პარლამენტის თავმჯდომარემ საკონსტიტუციო პროექტის საჯარო განხილვისას. მისი თქმით, მმართველ გუნდს აქვს ჩამოყალიბებული მიზანი, თუ როგორ უნდა წავიდეს წინ ქვეყანა, კონსტიტუცია კი შესაბამისი იქნება.
"ზუსტად ვიცით საით მივექანებით, ეს არის ადამიანის უფლებების დაცვა. გავექანეთ ჩვენ 2012 წელს იქითკენ, რომ 24 500 პატიმრის ნაცვლად, დღეს გვყავს 9 500 პატიმარი. აი, აქეთ გავექანეთ ბატონებო. ციხეებში კვდებოდა 150 კაცი, ახლა 12 კაცი კვდება. 12-ჯერ ნაკლები ადამიანი კვდება დღეს ციხეებში და აქეთკენ გავექანეთ ჩვენ 2012 წელს. ქუჩაში ხალხს აღარ ხოცავენ, მომიტინგეებს აღარ არბევენ სასტიკი ფორმით - აქეთ გავექანეთ ჩვენ 2012 წელს. ეს არის ყველაფერი, საითაც ყველა ერთად მივექანებით და მადლობა ღმერთს, რომ აქეთ მივექანებით. მეტი დემოკრატიაა. გახსოვთ რა ხდებოდა, როგორი იყო მაგალითად პარლამენტი -ნოტარიუსი, თითის დაჭერა - მეტი არაფერი არ ხდებოდა ამ ორგანოში. ყველა ერთად გავექანეთ უკეთესი დემოკრატიისკენ და ეს ყველამ ერთად გავაკეთეთ, აქ მჯდომმა თითოეულმა ადამიანმა. ეკონომიკას რაც შეეხება, მთელი რეგიონის მასშტაბით საქართველოს აქვს ერთ-ერთი ყველაზე მაღალი მაჩვენებელი ეკონომიკური ზრდის და აქეთ მივექანებით“, - განაცხდა ირაკლი კობახიძემ.
