„თავისუფალი დემოკრატიები მხარს ვუჭერთ ევროპული საქართველოს შემოთავაზებულ იდეას“,-განაცხადა „თავისუფალი დემოკრატების“ ლიდერმა შალვა შავგულიძემ დღეს გამართულ ბრიფინგზე.
როგორც მათ განაცხადეს, უერთდებიან „ევროპული საქართველოს“ ინიციატივას პლებისციტთან დაკავშირებით. მათი აზრით, ეს ხელს შეუშლის უსამართლო საარჩევნო სისტემის შეცვლას.
„თავისუფალი დემოკრატიები მხარს ვუჭერთ ევროპული საქართველოს შემოთავაზებულ იდეას საქართველოს პრეზიდენტის არჩევის წესთან და საპარლამენტო არჩევნების რეალურად პროპორციულობისა და სამართლიანობის განმსაზღვრელ დებულებებთან დაკავშირებით, სახალხო გამოკითხვის, ანუ პლებისციტის ჩატარების შესახებ. მიგვაჩნია, რომ აღნიშნულ საკითხზე პლებისციტის ჩატარება გარკვეულწილად შეამცირებს კონსტიტუციური ცვლილებების მხოლოდ ერთი პოლიტიკური ძალის სურვილების შესაბამისად გატარების საშიშროებას,“-განაცხადა შალვა შავგულიძემ.
