ევროკავშირის ელჩმა იანოშ ჰერმანმა რიყის პარკში, "ევროპის დღისადმი" გამართულ ღონისძიებაზე მოქალაქეებს სიტყვით მიმართა. ელჩის განცხადებით, დღეს ევროკავშირის შექმნის 60 წლის იუბილე და საქართველო-ევროკავშირს შორის დიპლომატიური ურთიერთობების დაწყების თარიღი აღინიშნება.
"დღეს ჩვენ აღვნიშნავთ იმ ახალ შესაძლებლობებს, რომელიც გაჩნდა ევროკავშირსა და საქართველოს შორის. ესენია: მგზავრობის, სწავლის, ახალი ბიზნესების, ახალი სამუშაო ადგილების შექმნის შესაძლებლობები. ჩვენ სწორედ ამაზე უნდა ვიყოთ ფოკუსირებულები",- განაცხადა ევროკავშირის ელჩმა იანოშ ჰერმანმა.
საქართველოში ევროპის დღეები აღინიშნება. ევროკავშირის წარმომადგენლები და პარტნიორები რიყის პარკში გასართობ ღონისძიებებს მართავენ.
პარკში ევროპული ქვეყნების 18 სტენდია წარმოდგენილი. საელჩოს წარმომადგენლები მოსახლეობას ინფორმაციას აწვდიან ევროპული განათლებისა და სტუდენტური პროგრამების შესახებ.
