საკონსტიტუციო ცვლილების პროექტის საყოველთაო-სახალხო განხილვა იმართება ჩოხატაურში. შეხვედრაზე კონსტიტუციონალისტმა ვახუშტი მენაბდემ პრეზიდენტის არჩევის წესზე ისაუბრა და მოსალოდნელ პრობლემებზე გაამახვილა ყურადღება.
„არ არის ნამდვილად ტრაგედია პრეზიდენტის ირიბი წესით არჩევა, მაგრამ ამ საარჩევნო სისტემის პირობებში, როდესაც უმრავლესობას ესეთი უპირატესობა ექნება, ფაქტობრივად არჩევნებში გამარჯვებულ პარტიას მაღალი ალბათობით ექნება შესაძლებლობა, თავად გადაწყვიტოს ვინ იქნება პრეზიდენტი, ანუ ზეპარტიული პრეზიდენტი დაინიშნოს ფაქტობრივად არჩევნებში გამარჯვებული პარტიის მიერ, რაც მის ზეპარტიულობას კითხვის ნიშნის ქვეშ დააყენებს,“ - აღნიშნა ვახუშტი მენაბდემ.
