პარლამენტმა 85 ხმით მიიღო დადგენილება, რომლის თანახმადაც, სახელმწიფო საკონსტიტუციო კომისიის შექმნისა და კომისიის დებულების დამტკიცების შესახებ პარლამენტის 2016 წლის 15 დეკემბრის დადგენილება, ძალადაკარგულად გამოცხადდა, რაც იმას ნიშნავს, რომ სახელმწიფო საკონსტიტუციო კომისიამ მუშაობა ოფიციალურად დაასრულა.
საკონსტიტუციო კომისია 4 თვის განმავლობაში მუშაობდა. პროცესში მონაწილეობაზე თავიდანვე უარი თქვა პრეზიდენტის ადმინისტრაციამ. კომისია მუშაობის დასასრულს დატოვა ოპოზიციამ. მათი შეფასებით, მმართველმა გუნდმა პროექტი საკუთარ ინტერესებს მოარგო.
