„ქართული ოცნება მოსახლეობას ტარიფების განახევრებას დაჰპირდა, მაგრამ ამის ნაცვლად, უკვე ზაფხულში აპირებენ ტარიფების გაზრდის შემოპარებას“,-განაცხადა „ნაციონალური მოძრაობის წევრმა ზურაბ მელიქიშვილმა.
მისი თქმით, მთავრობის ეკონომიკური პოლიტიკიდან გამომდინარე მოსახლეობას კიდევ უფრო დაუმძიმდება სოციალური ფონი და გაიზრდება პროდუქტის ფასებიც.
„ქართული ოცნება მოსახლეობას ტარიფების განახევრებას დაჰპირდა, მაგრამ ამის ნაცვლად, უკვე ზაფხულში აპირებენ ტარიფების გაზრდის შემოპარებას, რაც კიდევ უფრო დაუმძიმებს მოსახლეობას ყოველდღიურობას, პირდაპირ იმოქმედებს და პროდუქტზე ფასებს გააძვირებს,“- განაცხადა ზურაბ მელიქიშვილმა.
გაზის ტარიფზე კომენტარი გააკეთა „ევროპული საქართველოს“ წევრმა, ზურაბ ჭიაბერაშვილმაც. მან უკანასკნელი პერიდის მოვლენებზე გაამახვილა ყურადღება და განმარტა, რომ არსებობს გაზის ტარიფის ზრდის საშიშროება.
„საკომიტეტო მოსმენაზე სემეკის წარმომადგენელმა პირდაპირ დაადასტურა, რომ 2015 წელს ელექტროენერგიის ტარიფის გაზრდა პირდაპირი შედეგი იყო ლარის დევალვაციის. იგივე პრობლემა დგას გაზის ტარიფთან დაკავშირებით. მთავრობის უგუნური ეკონომიკური პოლიტიკის ფასს მოქალაქეები საკუთარი ჯიბიდან იხდიან,“- განაცხადა ზურაბ ჭიაბერაშვილმა.
