კონგრესმენების ეს ორპარტიული წერილი არის ძალიან მკაფიო, ძალიან მძლავრი მხარდაჭერის გამოხატულება საქართველოს მიმართ, - ასე აფასებს საქართველოს სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი, ამერიკელი კონგრესმენების იმ წერილს, სადაც ისინი შეერთებული შტატების პრეზიდენტს საქართველოსადმი მხარდაჭერისკენ მოუწოდებენ.
ციხელაშვილის განცხადებით, კიდევ ერთხელ დადასტურდა, რომ საქართველოსა და შეერთებული შტატების პარტნიორობის გაძლიერების კიდევ უფრო მეტი დაინტერესება არსებობს.
„კონგრესმენების ეს ორპარტიული წერილი არის ძალიან მკაფიო, ძალიან მძლავრი მხარდაჭერის გამოხატულება საქართველოს მიმართ, მისი ტერიტორიული მთლიანობის და სუვერენიტეტის მიმართ, მისი რეფორმების მიმართ და ძალიან ხაზგასმით არის აღნიშნული, რომ კიდევ უფრო მეტი დაინტერესებაა საქართველოს და შეერთებული შტატების პარტნიორობის გაძლიერებაში“, - განაცხადა ქეთევან ციხელაშვილმა.
