რუსი დიპლომატები რუს ბაიკერებს უდასტურებენ, რომ მათთვის საზღვარი ჩაკეტილია.
ივან სკორობულატოვი სოციალურ ქსელში წერს, რომ ის თავად დაუკავშირდა საკონსულოს და ოფიციალური დასტური მიიღო, რომ საზღვარი რუსი ბაიკერებისთვის 10 მაისამდე ჩაკეტილია.
მისივე თქმით, მას განუმარტეს, რომ "ვერაფერს ვერ შეცვლიან, რადგან საქართველოსა და რუსეთს ერთმანეთთან დიპლომატიური ურთიერთობები არ აქვთ".
„დავუკავშირდი თბილისში საკონსულო განყოფილებას, დამიდასტურეს საზღვრის ჩაკეტვა ნებისმიერი მიმართულებით მოძრავი მოტოციკლეტისტებისთვის ერთი კვირით (10 მაისამდე). როგორც ვხვდები ეს ეხება მხოლოდ რუსული პასპორტის მქონე პირებს. განმარტეს, რომ ვერაფერს ვერ შეცვლიან, რადგან საქართველოსა და რუსეთს ერთმანეთთან დიპლომატიური ურთიერთობები არ აქვთ,"-წერს სკორობულატოვი.
ცნობისთვის, 50-მდე რუსი ბაიკერი საქართველოს ტერიტორიაზე არ შემოუშვეს.
