ქართველ მოსამართლეთა უდიდესი ნაწილი, სამწუხაროდ, დღეის მდგომარეობით არის "მანქურთი", - ამის შესახებ სამაუწყებლო კომპანია "რუსთავი 2"-ის გენერალურმა დირექტორმა ნიკა გვარაიამ განაცხადა.
როგორც "არჩევანში" გვარამიამ აღნიშნა, სტრასბურგის სასამართლოს გადაწყვეტილების მერე ყველას გვაქვს უფლება, რომ მათ შეურაცხყოფები ვაყენოთ. მისივე თქმით, მთავარი ტესტი ამ კანონის არის ის, რომ ადამიანი, რომელიც ჩივის, რომ მას დაუმსახურებლად მიაყენეს შეურაცხყოფა, მასზეა მტკიცების ტვირთი.
„მთავარი ტესტი ამ კანონის არის ის, რომ ადამიანი, რომელიც ჩივის, რომ მას დაუმსახურებლად მიაყენეს შეურაცხყოფა, მასზეა მტკიცების ტვირთი ეს არის უმთავრესი მომენტი ამ კანონის. სიტყვის თავისუფლების შეზღუდვა განსხვავდება ყველა სხვა შემთხვევებისგან იმით, რომ მტკიცების ტვირთი გაზრდილია და გადაკისრებულია არა იმ ადამიანზე, რომელიც თავს იცავს და დაზარალებულად გამოდის ამშემთხვევაში“, - განაცხადა ნიკა გვარამიამ.
მან აქვე აღნიშნა, რომ ქართველ მოსამართლეთა ნაწილი "მონა-მორჩილია ხელისუფლების".
„ქართველ მოსამართლეთა უდიდესი ნაწილი, სამწუხაროდ, დღეის მდგომარეობით არის "მანქურთი". ამას ვიძახი სრული პასუხისმგებლობით, ის არის მონა-მორჩილი ხელისუფლების. ის ყიდის საკუთარ პატიოსნებას, წესიერებას იმისთვის, რომ 3 წლიანი ვადის მერე დანიშნონ მოსამართლედ, გამოსაცდელი ვადის თავზე", - დასძინა მან.
