უცხო ქვეყნის მოქალაქეობის მიღების შემთხვევაში შესაძლოა საქართველოსი აღარ დაიკარგოს. საკონსტიტუციო ცვლილებების პროექტში ინიცირებულია დეპუტატ სალომე ზურაბიშვილის ინიციატივა. კონსტიტუციის ახალ ვარიანტში შესაძლოა აღარ იყოს მუხლი, რომელიც ამბობს, რომ საქართველოს მოქალაქე ვერ იქნება პარალელურად სხვა ქვეყნის მოქალაქე.
„ახალ კონსტიტუციაში განისაზღვრა შემდეგი რამ: თუკი საქართველოს მოქალაქე უცხო ქვეყნის მოქალაქეობას მიიღებს, ეს ავტომატურად აღარ გამოიწვევს საქართველოს მოქალაქეობის დაკარგვას. არის ჩანაწერი, რომ დანარაჩენი რეგულაციები განისაზღვრება კანონით. კანონი უკვე დაადგენს, რა პროცედურა იქნება გასავლელი, რათა ეს სტატუსკვო შენარჩუნდეს. რაღაც გარკვეული რეგულაცია იქნება. სტატუსკვო იქნება პრინციპულად მნიშვნელოვანი და შემდგომში რეგულაცია გაკეთდება, რომ სისტემაში მოვიყვანოთ ეს წესი", - განუცხადა იურიდიულ საკითხთა კომიტეტის თავმჯდომარის მოადგილემ, დავით მათიკაშვილმა საზოგადოებრივ მაუწყებელს.
