მგონია, რომ მედიის თავისუფლები კუთხით, უფრო მაღალი სტანდარტების დამკვიდრება შეგვიძლია, - ამის შესახებ საპარლამენტო უმრავლესობის წევრმა თამარ ჩუგოშვილმა მედიის თავისუფლების საკითხებში ეუთო-ს ექსპერტებთან შეხვედრის შემდეგ განაცხადა.
საქართველოს პარლამენტის თავმჯდომარის პირველი მოადგილის განცხადებით, ეუთო-ს ექსპერტების განწყობის თანახმად, საქართველოში ბოლო წლებში არის ძალიან მნიშვნელოვანი ნაბიჯები გადადგმული მედია თავისუფლები კუთხით.
„განწყობა მათი არის ის, რომ საქართველოში ბოლო წლებში არის ძალიან მნიშვნელოვანი ნაბიჯები გადადგმული მედია თავისუფლები კუთხით და გარემო არის თვისობრივად განსხვავებული იმისგან, რაც იყო 2012 წლამდე. ეს ცალსახად დაფიქსირდა. რაც შეეხება მედიის თავისუფლების კუთხით გამოწვევებს, აქ ბევრ საკითხზე შეიძლება საუბარი, მათ შორის მედიის კონტეტის ხარისხის კუთხითაც და ა.შ. მე ზოგადად მგონია, რომ მედიის თავისუფლები კუთხით, მედიის ხარისხის კუთხით, ჩვენ შეგვიძლია ახალ ეტაპზე გადასვლა, უფრო მაღალი სტანდარტების დამკვიდრება. ჩვენთვის ძალიან მნიშვნელოვანია, რომ ეუთო ამ პროცესში ჩვენთან ერთად იქნება და მოგვეხმარება“, - აღნიშნა ჩუგოშვილმა.
