მთავარია პრეზიდენტის არჩევის წესი იყო მორგებული იმ სისტემაზე, რომელიც ყალიბდება და ეს არის საპარლამენტო მმართველობა. ამისთვის უმჯობესია, პრეზიდენტი არჩეული იყოს არაპირდაპირი წესით, - ამის შესახებ საქართველოს პარლამენტის თავმჯდომარემ ირაკლი კობახიძემ ჟურნალისტებთან შეხვედრის დროს განაცხადა.
მისივე თქმით, კონსტიტუციის ახალი პროექტით პრეზიდენტის არჩევის წესი ფუნდამენტურად იცვლება.
,,აქაც ხდება სპეკულირება მანიპულირება ამ თემით, მით უმეტეს, რომ ამით სპეკულირება მარტივია. საზოგადოებას უსვამ კითხვას, რა ურჩევნია თვითონ აირჩიონ პრეზიდენტი, თუ სხვამ. როდესაც სისტემის დეტალებს არ განმარტავ, ეს სასპეკულაციოდ არის ძალიან მარტივი საკითხი და საზოგადოება შეიძლება შეცდომაში შეიყვანო“, - განაცხადა კობახიძემ.
მისივე თქმით, საპარლამენტო სისტემისთვის უმჯობესია, პრეზიდენტი არჩეული იყოს არაპირდაპირი წესით.
,,არის ქვეყნები ნაწილი, სადაც ირჩევენ პირდაპირ და სადაც არაპირდაპირით. იქ, სადაც პრეზიდენტს ირჩევენ არაპირდაპირი წესით, არასდროს ამ კუთხით სისტემური პრობლემა არ წარმოშობილა, სადაც პრეზიდენტს ირჩევენ პირდაპირი წესით საპარლამენტო რესპუბლიკებში, უმეტეს შემთხვევაში წარმოიშვა სისტემური ხასიათის პრობლემები. პრობლემა იყო კომპეტენციების გადაფარვა, პრობლემა იყო ოდიოზური ან არაპროდასავლური ან სხვა ტიპის ნეონაცისტური მიდრეკილების მქონე პრეზიდენტის არჩევა, ან თითქმის არჩევა პრეზიდენტის პოსტზე. ეს ხელს უშლის პარტიული სისტემის განვითარების პროცესს შესაბამის ქვეყნებში, სადაც არის არაპირდაპირი არჩევნები, აქ არ ყოფილა პრობლემები, სადაც არის აპარაპირდაპირ გაჩნდა სისტემური ხასიათის პრობლემები“, - განაცხადა ირაკლი კობახიძემ.
მისივე თქმით, საუბარი პრეზიდენტის უფლებამოსილების შეზღუდვაზე არის სპეკულაცია.
„რაც შეეხება პრეზიდენტის არჩევის წესს, 34 მომხრე 6-ის წინააღმდეგი სარეიტინგო კენჭისყრაში. ეს არის ფუნდამენტური ცვლილება, რომელიც შედის კონსტიტუციაში პოზიტიური კუთხით“, - აღნიშნა კობახიძემ.
