საქართველოს თავდაცვის სამინისტრო "ევროპული საქართველოს" მიერ გავრცელებულ ინფორმაციას, რომ "ქართული ოცნების" დეპუტატების მეუღლეები უწყებაში არიან დასაქმებულები, ადასტურებს.
უწყების ცნობით, ქართული ოცნების დეპუტატების, თამარ ხულორდავასა და სოფო კილაძის, მეუღლეები გენერალური ინსპექციის განსაკუთრებით მნიშვნელოვან საქმეთა ინსპექტორებად დროებით დაინიშნენ.
თავდაცვის სამინისტროს საზოგადოებასთან ურთიერთობის სამსახურის ხელმძღვანელის განცხადებით, ისინი კვალიფიკაციის გამო არიან დასაქმებულები.
„საკვალიფიკაციო მოთხოვნების გათვალისწინებით ამ დროისათვის დანიშნულები არიან გენერალურ ინსპექციაში განსაკუთრებით მნიშვნელოვან საქმეთა ინსპექტორების დროებით მოვალეობის შემსრულებლებად. მათ გაიარეს კონკურსი და საუკეთესო კანდიდატთან დაკავშირებით გადაწყვეტილებას უკვე საკონკურსო-საატესტაციო კომისია მიიღებს“, - განაცხადა თავდაცვის სამინისტროს საზოგადოებასთან ურთიერთობის სამსახურის ხელმძღვანელმა, ნინო თოლორდავამ.
