აშშ-ის წვლილი ჩვენი თავდაცვისა და უსაფრთხოების გაძლიერების კუთხით არის შეუფასებელი, - ამის შესახებ საგარეო საქმეთა მინისტრმა, მიხეილ ჯანელიძემ საქართველო- ამერიკის დიპლომატიური ურთიერთობების 25 წლისთავისადმი მიძღვნილ ფორუმზე ჟურნალისტებს განუცხადა.
მისი თქმით, აშშ-ის ძალიან მტკიცე მხარდაჭერამ უზრუნველყო ის, რომ საქართველო დღეს არის დემოკრატიული ქვეყანა, სადაც ძლიერდება დემოკრატიული ინსტიტუტები და საქართველო მტკიცედ ადგას ევროპულ და ევროატლანტიკური ინტეგრაციის გზას, რომელსაც თითოეული მოქალაქე მიჰყავს თავისუფლებამდე.
"დღეს აღვნიშნავთ ძალიან მნიშვნელოვან თარიღს. ეს კვირეული ეთმობა ჩვენი 25 წლის დიპლომატიურ ურთიერთობებს. ეს 25 წელი იყო გადამწყვეტი ჩვენი ქვეყნისთვის და ამ ორმხრივმა ურთიერთობებმა, აშშ-ის ძალიან მტკიცე მხარდაჭერამ უზრუნველყო ის, რომ საქართველო დღეს არის დემოკრატიული ქვეყანა, სადაც ძლიერდება დემოკრატიული ინსტიტუტები და საქართველო მტკიცედ ადგას ევროპულ და ევროატლანტიკური ინტეგრაციის გზას, რომელსაც ჩვენი ქვეყანა, თითოეული მოქალაქე მიჰყავს თავისუფლებამდე. ჩვენ გვყავს ძალინ მტკიცე, ახლო მეგობარი აშშ-ს სახით, საერთაშორისო მასშტაბით და მისი როლი შეუფასებელია”, - განაცხადა ჯანელიძემ. მისივე თქმით, აშშ-მ 25 წლის განმავლობაში 4 მილიარდზე მეტი დახარჯა საქართველოში ჩვენი ქვეყნის გაძლიერებისთვის, იმისთვის, რომ საქართველოს ეკონომიკა გამხდარიყო უფრო ძლიერი, ღია, მას შესძლებოდა იმ გამოწვევებთან გამკლავება, რომელიც დღეს რეგიონსა თუ მსოფლიოშია", - განაცხადა საგარეო მინისტრმა.
მისივე თქმით, საქართველო და ამერიკა აგრძელებენ სტრატეგიულ პარტნიორობას, რომელიც დაფუძნებულია ორმხრივ ინტერესებზე და ეს ინტერესები, პირველ რიგში, უკავშირდება იმ საერთო ღირებულებებს, რომლებსაც ორივე ქვეყანა იზიარებს.
