ჩვენ მომავალშიც ვიქნებით ყველასთვის და მათ შორის, აშშ-სთვის დასაყრდენი პარტნიორები, - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ საქართველო- ამერიკის დიპლომატიური ურთიერთობების 25 წლისთავისადმი მიძღვნილ ფორუმზე ჟურნალისტებს განუცხადა.
მისი თქმით, აშშ საქართველოს დამოუკიდებლობის დღიდან არის მნიშვნელოვანი სტრატეგიული პარტნიორი ყველა სფეროში, როგორიაა - პოლიტიკური, სამხედრო, ეკონომიკური, სოციალური თუ სხვა სახის უსაფრთხოებასთან დაკავშირებული საკითხები.
"ვფიქრობ, ეს არის ერთ-ერთი ყველაზე მნიშვნელოვანი დღე. აშშ არის მნიშვნელოვანი სტრატეგიული პარტნიორი საქართველოსთვის დღიდან დამოუკიდებლობისა ყველა სფეროში, როგორიაა - პოლიტიკური, სამხედრო, ეკონომიკური, სოციალური თუ სხვა სახის უსაფრთხოებასთან დაკავშირებული საკითხები. ჩვენ მართლაც მადლიერები ვართ აშშ-ს ამგვარი პარტნიორობისა და მეგობრობის, რომელიც გრძელდება. საქართველოს ძალიან მნიშვნელოვანი წვლილი შეაქვს მსოფლიო უსაფრთხოებისა და ტერორიზმის წინააღმდეგ ბრძოლის საქმეში და ჩვენ მომავალშიც ვიქნებით ყველასთვის და მათ შორის, აშშ-სთვის დასაყრდენი პარტნიორები”, - განაცხადა ვიქტორ დოლიძემ.
