ამერიკასა და საქართველოს საერთო ფასეულობები აერთიანებს, - ამის შესახებ საქართველოს პრეზიდენტმა გიორგი მარგველაშვილმა ამერიკა-საქართველოს დიპლომატიური ურთიერთობების 25 წლის იუბილესთან დაკავშირებით გამართულ ღონისძიებაზე სიტყვით გამოსვლისას განაცხადა.
პრეზიდენტის განცხადებით, დღეს ძალიან ემოციური და მნიშვნელოვანი ისტორიულია დღეა.
„დღეს ძალიან ემოციური და მნიშვნელოვანი ისტორიულია დღეა, ჩვენს ურთიერთობებს 25 წლის წინ ჩაეყარა საფუძველი. ამერიკასა და საქართველოს საერთო ფასეულობები აერთიანებს. ჩვენ ვაფასებთ თავისუფლებას, დამოუკიდებლობას, თავისუფალი არჩევანის საშუალებას ჩვენი ხალხისთვის. მზად ვართ, რომ მტკიცედ ვიდგეთ ამ არჩეულ გზაზე. ჩვენ ერთად მნიშვნელოვან გამარჯვებებს მივაღწიეთ არაღიარების პოლიტიკის მიმართულებით, რუსეთის აგრესიული პოლიტიკის წინააღმდეგ. არ არსებობს ქვეყანა რომელიც დღეს საქართველოს სუვერენიტეტს ეჭვქვეშ დააყენებს“, - განაცხადა გიორგი მარგველაშვილმა.
