თურქეთის მოსახლეობამ საკონსტიტუციო ცვლილებებს მხარი დაუჭირა. 55-მილიონი ამომრჩევლიდან 51%-ი თანახმაა ერდოღანმა კიდევ 2-ჯერ იყაროს კენჭი საპრეზიდენტო არჩევნებში. ამ სცენარით, თურქეთის პირევლი პირი 2029 წლამდე შეძლებს საპრეზიდენტო პოსტის შენარჩუნებას. ერდოღანი შედგეგით კმაყოფილია და მას ისტორიულს უწოდებს. ხოლო ოპოზიცია შედეგებს არ სცნობს და გასაჩივრებისათვის ემზადება.
საკონსტიტუციო ცვლილებები საპარლამენტოდან საპრეზიდენტო რესპუბლიკაზე გადასვლას, პრემიერის თანამდებობის გაუქმებას, საპარლამენტო მანდატების რაოდენობის გაზრდას (550-დან 600-მდე) და უზენაესი სასამართლოს და პროკურორების კოლეგიის რეფორმირებას ითვალისწინებს.
ფართოვდება პრეზიდენტის უფლებამოსილება. ერდოღანი ქვეყანას 2029 წლამდე უხელმძღვანელებს. საკონსტიტუციო ცვლილებების რეფერენდუმზე გატანას პარლამენტმა კენჭი 2017 წლის 20 იანვარს უყარა. თურქეთში 167 140 საარჩევნო უბანია, 461 - ციხეებში გაიხსნა. საზღვარგარეთ მცხოვრებმა მოქალაქეებმა ხმა წინასწარ მისცეს.
