არასაპარლამენტო ოპოზიციამ, შესაძლოა, საკონსტიტუციო კომისიის სხდომებს ბოიკოტი გამოუცხადოს. 15 კვალიფიციური სუბიექტების წარმომადგენლები, აღნიშნულ საკითხზე კონსულტაციების გასამართად კიდევ შეიკრიბნენ.
მათი განცხადებით, ბოიკოტი გარდაუვალია და ამის შესახებ საბოლოოდ გადაწყვეტილებას მომდევნო კვირაში მიიღებენ.
მიზეზი წინადადების დაუკმაყოფილებლობაა. ოპოზიციის მთავარი მოთხოვნებია პრეზიდენტის პირდაპირი წესით არჩევა, მაჟორიტარული სისტემის გაუქმება და არჩევნების ერთიანი პროპორციული სისტემით ჩატარება და ამასთან, გაუნაწილებელი მანდატების პროპორციულად გაყოფა, საარჩევნო ბარიერის 5-დან 3 %-მდე შემცირება და ბლოკების შენარჩუნება.
