სახალხო დამცველის ადამიანის უფლებათა და თავისუფლებათა დაცვის შესახებ 2016 წლის ანგარიშის საკომიტეტო მოსმენა პარლამენტში, სავარაუდოდ ჩაიშლება.
მოსმენა 11 საათზე უნდა დაწყებულიყო, თუმცა დარბაზში პარლამენტარები არ იმყოფებიან. კანონმდებლები კომიტეტების გაერთიანებულ სხდომაზე სუს-ის ანგარიშს უსმენენ. ომბუდსმენი აცხადებს, რომ მისთვის ამის შესახებ არაფერი უცნობებიათ.
პარლამენტში უკვე იმყოფებიან არასამთავრობო სექტორის და ჯანდაცვის სამინისტროს წარმომადგენლები.
უჩა ნანუაშვილი ამბობს, რომ ის 12 საათამდე დაელოდება დეპუტატებს, თუ ამის შემდეგ კომიტეტის სხდომაზე არავინ შევა, სახალხო დამცველი სავარაუდოდ წავა პარლამენტიდან.
