ექსპერტმა გია ხუხაშვილმა „პოლიტმეტრში“ პარლამენტის თავმჯდომარე, ირაკლი კობახიძეზე ისაუბრა. მისი თქმით, აქვს შტაბეჭდილება, თითქოს ვიღაც აძალებს პარლამენტის თავმჯდომარეს რაღაცეებზე საუბარს.
„კობახიძეს აქვს გარკვეული საღი აზრი, ცოტა მორიდების გრძნობაც აქვს და რაღაცა მაინც უნდოდა, რომ მანევრები ჩაეტარებინა. მაგრამ გუშინ უთხრეს, რომ კაი რა, მიდი და რასაც გეუბნებით, ის გააკეთე. გამოვიდა და თქვა, ეს ესე იქნება, აღარ შეიცვლება. კომისიის მუშაობა ჯერ დასრულებული არ არის, შენ რომ წინასწარ, გუშინ ეთერში ჯდები და აცხადებ, რომ ეს ესეა და აღარ შეიცვლება, მეორეს მხრივ შეთქმულების თეორიას რომ ავითარებ და ამბობ პრეზიდენტი გადაწვდა რუსთავი ორის საქმეს...რეები იბოდიალა გუშინ მე არ ვიცი. ახალგაზრდა კაცია, რაღაც ვერ არის მთლად კარგად და მშობლები სად არიან ვერ გავიგე, ცოტა მიხედონ და ბავშვს მოუარონ . ესე როგორ შეიძლება, მიტოვებული ყავთ საერთოდ. ან რას ჭამს, არ რას სვამს, ცოტა მიეფერონ, მოუარონ თორემ ძალიან მძიმდება ეს ადამიანი ამ ბოლო დროს“,- განაცხადა გია ხუხაშვილმა.
