„ჩვენ გვაქვს კონსტიტუცია, რომელიც ერთი ადამიანის ხასიათზე იყო მორგებული და ერთი პოლიტიკური პარტიის ინტერესს ემსახურებოდა. 2010 წელს ეს საკონსტიტუციო ცვლილებები განხორციელდა იმის გამო, რომ მიხეილ სააკაშვილს ჰქონოდა საშუალება პრემიერ-მინისტრის რანგში წარდგენილიყო საზოგადოების წინაშე.“- განაცხადა „ქართული ოცნების“ წევრმა, ლევან გოგიჩაიშვილმა „პოლიტმეტრის“ ეთერში საუბრისას.
იგი საპარლამენტო არჩევნების დროს ოპოზიციისა და სამოქალაქო სექტორის აქტიურობასაც შეეხო და განაცხადა, რომ მთელი ოპოზიციური სპექტრი პრეზიდენტთან ერთად ცდილობდა „ქართული ოცნებისთვის“ ხმების წართმევას.
„თქვენ გახსოვთ, რის ფონზე ჩაიარა საქართველოში მეორე ტურმა. როდესაც დამთავრდა პირველი ტური და პროპორციული პროცენტები იყო გარკვეული. ტარდებოდა მეორე ტური და ფაქტობრივად სრულიად პოლიტიკური სპექტრი გაერთიანდა იმ იდეის გარშემო, რომ „ქართულ ოცნებას“ არ მიეღო კონსტიტუციური უმრავლესობა. ამაში ჩართული იყო ოპოზიციური პარტიები, ჩართული იყო საქართველოს პრეზიდენტი და ისინი ერთხმად უხსნიდნენ ქართულ მოსახლეობას, თუ რა პრობლემები დადგებოდა თუკი „ქართული ოცნება“ მიიღებდა საპარლამენტო უმრავლესობას.
დახლოებით 21 ღიანი კამპანია იყო, ცოტა უფრო მეტი. მიუხედავად ამისა, საქართველოს მოსახლეობამ გადაწყვიტა ისე და დააყენა ის პოლიტიკური რეალობა, რომელიც დღეს არის.“-განაცხადა ლევან გოგიჩაიშვილმა.
მან მმართველი გუნდის მიზნებზეც ისაუბრა და განაცხადა, რომ კონსტიტუციის გადასინჯვა ემსახურება მისი სრულყოფილების ინტერესს, რათა დროს გაუძლოს აღარ იყოს მისი შეცვლა საჭირო. ხოლო წინა ხელისუფლების მცდელობამ აჩვენა, რომ კონსტიტუციის მორგება ძალაუფლების შენარჩუნების გარანტია არაა.
