„სწორად უნდა იქნას ეს ყველაფერი ხალხთან მიტანილი. ადამიანებმა, საზოგადოებამ უნდა ნახოს არა მხოლოდ ერთი კონკრეტული ჭრილი საკანონმდებლო ნიუანსისა, არამედ ის უფრო ფართოდ უნდა დაინახონ. თუკი ასეთ კითხვას დავუსმევთ საზოგადოებას, როგორ გსურთ, თქვენ პირადად აირჩიოთ პრეზიდენტი თუ ეს მოხდეს ირიბი წესით? ცხადია ნებისმიერი იტყვის, 10-დან 9 მაინც იტყვის, რომ კი, მე მირჩევნია ავირჩიო პრეზიდენტი. მაგრამ როდესაც სწორად მიაწვდი საზოგადოებას კითხვას, როდესაც დაანახებ პრობლემის მთლიან რაკურსს, მაშინ 10-დან 9 იტყვის დიახ, თქვენ მართალი ბრძანდებით და აქ სწორედ არაპირდაპირი არჩევნების წესით იქნება საჭირო და იქნება სწორი იმ ტიპის რესპუბლიკისთვის, რასაც საპარლამენტო რესპუბლიკა ჰქვია.“-განაცხადა პარლამენტის იურიდიულ საკითხთა კომიტეტის თავმჯდომარის მოადგილე, დავით მათიკაშვილმა “არჩევანის“ ეთერში.
მისი თქმით, პრეზიდენტის თავდაპირველი ინიციატივა, რომ თანათავმჯდომარე ყოფილიყო სახელმწიფო საკონსტიტუციო კომისიაში, არ ჯდებოდა კანონის ჩარჩოებში. ვინაიდან პრეზიდენტი არის ქვეყნის უმაღლესი პირი, იგი გახდებოდა კომისიის თავმჯდომარე. ხოლო ვინაიდან კონსტიტუციით პრეზიდენტს არ აქვს შესაბამისი უფლებამოსილება და ამიტომაც მისი ინიციატივა ვერ განხორციელდებოდა.
