„მისი აქტიურობა უნდა იყოს არა გვერდითი და პარალელური მოვლენებით, არამედ საკონსტიტუციო კომისიის ფარგლებში,"-განაცხადა პარლამენტის იურიდიულ საკითხთა კომიტეტის თავმჯდომარის მოადგილე, დავით მათიკაშვილმა “არჩევანის“ ეთერში პრეზიდენტზე საუბრისას. მისი აზრით, ბოლო დროინდელი პრეზიდენტის აქტიურობა ცდება მის კონსტიტუციურ უფლებამოსილებას და ხელს უშლის სახელმწიფო საკონსტიტუციო კომისიის მუშაობას.
„მე საზოგადოებას შევახსენებ, რომ ცალკეული ინიციატივები იყო პრეზიდენტის მხრიდან კომისიასთან მიმართებაში, როდესაც მას თავმჯდომარეობა სურდა. თუმცა რადგანაც სამართლებრივ ლოგიკაში პრეზიდენტს არ გააჩნია საკანონმდებლო ინიციატივის უფლება მოქმედი კონსტიტუციიდან გამომდინარე, ეს არ იქნა გაზიარებული. იქ სადაც კანონი იქმნება, კანონის სამჭედლოს პარლამენტი წარმოადგენს და პარლამენტის წიაღში შეიქმნა სწორედ ეს კომისია. ამ თემასთან მიმართებაში გარკვეული აზრთა სხვადასხვაობა გამოიწვია პრეზიდენტსა, მის ადმინისტრაციასა და პარლამენტს შორის, მერე ცალკეული სხვა პროცესებიც დაიწყო, რაც ცალსახად ნეგატიურია.“- განაცხადა დავით მათიკაშვილმა.
