პარლამენტის თავმჯდომარემ, ირაკლი კობახიძემ პრეზიდენტის არჩევის წესთან დაკავშირებით გადაცემა „რეაქციის“ ეთერში ისაუბრა. მისი თქმით, ლოგიკური და არსებული საპარლამენტო მმართველობისთვის დამახასიათებელია პრეზიდენტის არაპირდაპირი არჩევა. მსგავსი კი შესაძლოა, რომ უკვე შემდეგ წელს განხორციელდეს.
„საბოლოოდ ჩვენ მივდივართ ამ სისტემამდე, რაც შეეხება ამოქმედების თარიღს, ამასთან დაკავშირებით საბოლოოდ ჩამოყალიბდება პარლამენტში პოზიცია. ჩვენ გავაჟღერეთ ჩვენი შეთავაზება, რომ მომავალ წელს ჩატარდეს პირდაპირი არჩევნები და შემდეგ არაპირდაპირი, იმისათვის რომ პერსონალური ფაქტორი მოიხსნას.“- განაცხადა ირაკლი კობახიძემ.
მისი თქმით, ახალ მოდელში პრეზიდენტის ფიგურა საჭიროა, რომ იყოს აკადემიური და საზოგადო მოღვაწის სტილში. ამასთანავე, საჭიროა იყოს აკადემიური და ზეპარტიული, რათა არბიტრის ფუნქციის შესრულებისას არ იყოს პარტიაზე დამოკიდებული, პირდაპირი არჩევნების დროს კი ეს გარდაუვალია.
"ოპონენტები ამბობდნენ რომ არაპირდაპირი წესით არჩეული პრეზიდენტი ვერ იქნება ზეპარტიული, იქნება დამოკიდებული მართველ პარტიაზე. თქვენ წარმოიდგინეთ არჩევნები, ძალიან დიდი ალბათობით და თითქმის გარანტირებული ალბათობით გაიმარჯვებს "ქართული ოცნების" კანდიდატი, თან გაიმარჯვებს იმ პირობებში, რომ დაიხარჯება მილიონობით ლარი საარჩევნო კამპანიაზე, ბუნებრივია ასეთ დროს პარტიის მიმართ პასუხისმგებლობის ხარისხი ნებისმიერი კანდიდატის არის ბევრად უფრო მაღალი. ანუ თუ საუბარია პარტიაზე დამოკიდებულებაზე, პირდაპირი არჩევნების პირობებში ბევრად უფრო არის დამოკიდებული არჩეული პრეზიდენტი, იგივე იქნება ოპოზიციური პარტიის კანდიდატთან მიმართებით", - განაცხადა კობახიძემ.
