„პოლიტიკური სპექტრის ორ ნაწილად დაყოფის ნიშნები აშკარად შეიმჩნევა პრეზიდენტის საქმიანობაში და იმედს ვიტოვებ, რომ მომავალში პროცესები სხვანაირად განვითარდება.“-განაცხადა პარლამენტის თავმჯდომარე, ირაკლი კობახიძემ „რეაქციის“ ეთერში. მისი თქმით, გიორგი მარგველაშვილის განცხადებები იყო ცალმხრივი და იგი არ უნდა წარმოადგენდეს მხარეს.
„პრეზიდენტი, რომელიც კონსტიტუციითაა აღჭურვილი და აქვს არბიტრის ფუნქცია, არ უნდა იყოს მხარე. ის ცალმხრივად არ უნდა გვაწვდიდეს ინფორმაციას იმ მოვლენების თაობაზე, რომელიც ვითარდება ქვეყანაში. სუბიექტური შეიძლება იყოს ოპოზიცია, ოპოზიციური პარტიები, ოპონენტები და მათი საქმეა კრიტიკა ოპოზიციის გამოსახედიდან, მათ სუბიექტურობის უფლებაც აქვთ. თუმცა პრეზიდენტს აქვს სხვა როლი, ჩვენი კონსტიტუციით მინიჭებული. პრეზიდენტი უნდა იყოს არბიტრი და პრეზიდენტი ვერ შევა იმ როლში, მაგალითად სპორტული მაგალითი რომ მოვიყვანოთ, მხარებზე მოთამაშის.“- განაცხადა კობახიძემ.
