"ჯანმრთელობა და სიცოცხლე, ეს არის უფრო მაღალი ინტერესები"- განაცხადა პარლამენტარმა გუგული მაღრაძემ გადაცემა "ხალხის პოლიტიკაში" საუბრიას. მან თამბაქოს მოწევაზე კანონის გამკაცრების შესახებ ისაუბრა.
„უამრავი შეზღუდვა არსებობს ისეთი, რომელიც საზოგადოებრივი ინტერესებიდან გამომდინარეობს. მოწევა-არ მოწევა ვისი საქმეა ხომ? ეს არაა მხოლოდ თქვენი საქმე. ვინაიდან, ადამიანები რომლებიც სხედან აქ, მათი ინტერესებიც უნდა იყოს დაცული. ჯანმრთელობა და სიცოცხლე, ეს არის უფრო მაღალი ინტერესები.
რაც შეეხება კერძო საკუთრებას, არანაირი შეზღუდვა არ აქვს, ვინაიდან კანონი არ კრძალავს არც თამბაქოს შემოტანას, არც გაყიდვას და არც მოწევას. ზღუდავს მოწევას იმ სფეროში, იმ ადგილებში, სადაც არიან სხვა ადამიანები, რომელთა ჯანმრთელობისთვისაც დამღუპველია თამბაქოს კვამლი."- განაცხადა გუგული მაღრაძემ.
