საქართველოს სავაჭრო პალატის პრეზიდენტი ფადი ასლი უცხოელ ინვესტორებს ურჩევს, რომ არ ენდონ ქართულ სასამართლოს., მან ამის შესახებ სოციალურ ქსელში განაცხადა.
"ჩემი პირველი და ერთადერთი რჩევა უცხოელ ინვესტორებს, რომლებიც საქართველოში შემოსვლას გეგმავენ: თქვენს კონტრაქტებში გამოიყენეთ საერთაშორისო საარბიტრაჟო დებულება, ნებისმიერ შემთხვევაში, - შეეხება ის კერძო თუ სამთავრობო ხელშეკრულებას. კატეგორიული უარი თქვით ქართულ სასამართლოზე, ნებისმიერი სახის დავისას. თუკი საარბიტრაჟო შეთანხმებაზე უარს გეტყვიან, დაუყონებლივ გააუქმეთ გარიგება," - წერს ფადი ასლი საკუთარ სოციალურ ქსელში.
შეგახსენებთ, რომ ასლი სასამართლოს კორუფციაში ადანაშაულებს. საქმე შეეხება 3 კომპანიის წინააღმდეგ წარმოებულ საქმეს, რასაც უცხოური ფირმების მიმართ მრავალმილიონიანი ჯარიმის დაკისრება მოჰყვა.
