პარლამენტში სიტყვით გამოვიდა „პატრიოტთა ალიანსის“ ლიდერი ირმა ინაშვილი. მან ქვეყანაში სოციალურ უთანასწორობასა და მთავრობის ხალხისგან დისტანცირებაზე ისაუბრა. ინაშვილმა მთავრობასა და სხვა სახელმწიფო ორგანოებს ხარჯების შემცირებისკენ მოუწოდა, რათა დაზოგილი სახსრები გაჭირვებულ მოსახლეობას მოხმარდეს.
“ჩემთვის ყველაზე მნიშვნელოვანი და მძიმე არის ის, რომ ჩვენ ერთმანეთს არ ვუსმენთ. წინა ხელისუფლება არავის არ უსმენდა. ქვეყანა ერთ დიდი ციხედ აქცია, ტერიტორიები დაკარგა და დაღუპვის პირას მიიყვანა ჩვენი ხალხი. ჩვენ ამის წინააღმდეგ ვიბრძოდით, მაგრამ დღეს მაქვს განცდა, რომა ხალი ხელისუფლებაც არ ცვლის ბევრ რამეს და იგივე გზით მიდის სამწუხაროდ. ვხედავ და ვისმენ მოსაზრებებს, რომლებიც ძალიან შორს დგას დემოკრატიის არსისა და ჩარჩოებისაგან.“
“ჩვენ ვართ ღარიბი ქვეყნის დეპუტატები ჩვენ ვართ ძალიან გაჭირვებული ქვეყნის პარლამენტი. არ ეტყობა ჩვენს პარლამენტს, რომ ვართ ამ ღარიბი ქვეყნის პარლამენტი, არ ეტყობა არც პრეზიდენტის ადმინისტრაციას, არც პრემიერის აპარატს არ ეტყობა. მე ყველას მოვუწოდებ შემცირდეს ხარჯი იმისათვის, რომ გადავარჩინოთ ჩვენი თანამოქალაქეები“- განაცხადა ირმა ინაშვილმა.
